ཐུན་རིན་གྲོང་ཁྱེར་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དང་། ཐུན་རིན་གྲོང་ཁྱེར་ལྟ་ཞིབ་ཨུ་ཡོན་ལྷན་ཁང་གི་ཏང་ཡོན་ལས་བྱེད་དང་གཞུང་གི་དབང་ཆ་ཡོད་པའི་མི་སྣས་སྒྲིག་འགལ་ངང་བཟའ་འཐུང་བྱེད་པའི་གནད་དོན་གྱི་ཁུངས་སྣེ་བསྡུ་བའི་ཐད་ཀྱི་བརྡ་ཁྱབ།ཏང་གི་ཚོགས་ཆེན་ཉི་ཤུ་པའི་བཀོད་སྒྲིག་བླང་བྱ་དང་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་གཏིང་ཟབ་བྱེད་པ་དང་། “སྤྱོད་ཚུལ་བཞི”ཡོ་བསྲང་བྱེད་པའི་ལས་དོན་གཏིང་ཟབ་སྒོས་སྤེལ་བ། སྤྱོད་ཚུལ་འཛུགས་སྐྱོང་རྒྱུན་རྣམ་ཅན་དང་ཕུགས་ཕན་ཅན་དུ་འགྱུར་རྒྱུར་སྐུལ་འདེད་གཏོང་བ་བཅས་བྱ་ཆེད། སྤྱི་ཚོགས་ལས་རིགས་ཁག་ནས་རང་རེའི་གྲོང་ཁྱེར་གྱི་ཏང་ཡོན་ལས་བྱེད་པ་དང་གཞུང་གི་དབང་ཆ་སྤྱོད་མཁན་གྱིས་སྒྲིག་འགལ་ངང་ཟ་འཐུང་དང་ཆང་འཐུང་བ། ཆང་འཐུང་རྗེས་ཀུན་སྤྱོད་ཉམས་པ་བཅས་ཀྱི་གནད་དོན་གྱི་ཁུངས་སྣེ་རྒྱ་ཁྱབ་ངང་བསྡུ་རུབ་བྱེད་རྒྱུ་ཡིན་པས། ཞིབ་ཕྲའི་བརྡ་ཁྱབ་བཏང་པ་གཤམ་གསལ།
2023ལོའི་ཟླ3པའི་ཚེས14ནས2023ལོའི་ཟླ12པའི་ཚེས31ཉིན་བར། （གཅིག）སྒྲིག་འགལ་ངང་གཞུང་དངུལ་སྤྱད་དེ་བཟའ་འཐུང་བྱེད་པ། གཞུང་དོན་སྣེ་ལེན་གྱི་གཏན་འབེབས་ལས་འགལ་ཏེ། ཚད་གཞི་ལས་བརྒལ་བ་དང་ཁྱབ་ཁོངས་ལས་བརྒལ་ནས་སྣེ་ལེན་བྱེད་པ་དང་། གསོལ་ཁང་དུ་འཛད་སྤྱོད་རྒྱས་སྤྲས་བྱེད་པ། སྒྲིག་འགལ་ངང་ཆང་འཐུང་བ། གཞུང་ཡིག་མེད་པ་དང་གཞུང་ཡིག་རྫུན་བཟོ་བྱས་ནས་སྣེ་ལེན་བྱེད་པའམ་ཡང་ན་གཞུང་ཡིག་གཅིག་གི་སྟེང་ནས་གསོལ་སྟོན་གང་མང་བཤམས་པ། གཞུང་དོན་གྱི་མིང་ཐོག་ནས་གཞུང་དངུལ་བཏང་ནས་གསོལ་སྟོན་བཤམ་པ། གཞུང་དངུལ་བཏང་ནས་མི་སྒེར་གྱི་གྲོན་དངུལ་རྩིས་ཞུ་བྱེད་པ་སོགས་ཀྱི་གནད་དོན། （གཉིས）གཞུང་དོན་དྲང་བདེན་ངང་སྒྲུབ་པར་གནོད་པ་བཟོ་སྲིད་པའི་གསོལ་སྟོན་དང་ལེན་བྱེད་པ། གཏན་འབེབས་ལས་འགལ་ཏེ་སྒེར་གཉེར་ཁེ་ལས་དང་ལས་ཁུངས་ཀྱི་ཁོངས་གཏོགས་སྡེ་ཚན། ཁོངས་གཏོགས་ལས་ཁུངས་སོགས་དོ་དམ་ཞབས་ཞུ་བྱ་ཡུལ་གྱི་གསོལ་སྟོན་དང་ལེན་བྱེད་པའམ་ཡང་ན་དོ་དམ་ཞབས་ཞུ་བྱ་ཡུལ་གྱི་གཏོང་སྤྲོད（རྩིས་ཞུ）དང་ལེན་བྱས་ནས་མི་སྒེར་གྱི་ཟ་འཐུང་གྲོན་དངུལ་རྩིས་སྤྲོད་བྱེད་དུ་འཇུག་པ་སོགས་ཀྱི་གནད་དོན། （གསུམ）ལྐོག་ནས་སྒྲིག་འགལ་ངང་ཟ་འཐུང་བྱེད་པ། སྒེར་གྱི་འདུ་གནས་དང་སྒེར་གྱི་འདུ་གནས་ཀྱི་ངོ་བོ་ལྡན་པའི་ལས་ཁུངས（ཀུང་སི）ནང་ཁུལ་གྱི་ཟ་ཁང་དང་སྡོད་ཁང་གཞིས་ཁུལ། གཞུང་ལས་ཐོག་ཁང་སོགས་མི་མངོན་པའི་གནས་སུ་སྒྲིག་འགལ་ངང་བཟའ་འཐུང་དང་ལྟ་སྐུལ་ལས་གཡོལ་ཐབས་བྱེད་པ་སོགས་ཀྱི་གནད་དོན། （བཞི）བྱ་བའི་དུས་ཚོད་ལ་སྒྲིག་འགལ་གྱིས་ཆང་འཐུང་བ། ལས་ཞུགས་ཚོགས་འདུ་དང་སློབ་སྦྱོང་གསོ་སྦྱོང་། ལས་རེས་ལས་གཉེར། གཞུང་དོན་སྒྲུབ་པའི་སྐབས་སུ་ཆང་འཐུང་ནས་བྱ་བར་ལས་འཛོལ་བྱུང་བ་དང་། ཆང་འཐུང་རྗེས་ཀུན་སྤྱོད་ཆལ་ཆོལ་བྱུང་བ་སོགས་ཀྱིས་ཤུགས་རྐྱེན་ངན་པ་བཟོ་བའི་གནད་དོན། （ལྔ）འགན་དབང་སྤྱོད་པའམ་ཡང་ན་གོ་གནས་ཀྱི་ཤུགས་རྐྱེན་ལ་བརྟེན་ནས་གཉེན་སྒྲིག་དང་འདས་མཆོད། གསོལ་སྟོན་བཅས་ཀྱི་བྱ་བ་སྒྲུབ་པ། སྒྲིག་འགལ་ངང་གཉེན་སྟོན་དང་འདས་མཆོད། འཁྲུངས་སྐར། སློབ་རིམ་འཕར་བ། སྡོད་ཁང་གསར་པར་སྤོ་བ། གོ་གནས་འཕར་བ་སོགས་ཀྱི་དོན་དག་བསྒྲུབ་པར་རྒྱས་སྤྲོས་རྒྱས་གཤོམ་དང་རྒྱས་ཟ་རྒྱས་འཐུང་། རྒྱས་སྤྲོས་ཆུད་ཟོས་བྱེད་པ་སོགས་ཀྱི་གནད་དོན། （དྲུག）སྒྲིག་སྲོལ་ལས་འགལ་བའི་ཟ་འཐུང་གི་གནད་དོན་གཞན་དགགསུམ། བསྡུ་རུབ་བྱེད་སྟངས།ཐེར་འདོན་ཁ་པར་ཨང་གྲངས།（0973）12388 18097132040ཡིག་སྐུར་ས་གནས། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་སྒྲིག་ཨུ་ལྟ་ཞིབ་ཨུ་ལྷན་ཡིག་བསྐུར་ངོ་གཏུག་ཁང་།（སྦྲག་ཨང811399）ཐེར་འདོན་དྲ་ཚིགས། http://qinghai.12388.gov.cn/（གཅིག）སྤྱི་ཚོགས་ལས་རིགས་ཁག་གིས་ཧུར་ཐག་ངང་གནད་དོན་འདོན་པར་དགའ་བསུ་ཞུ། ཁུངས་སྣེ་འདོན་སྤྲོད་བྱེད་སྐབས་གནད་དོན་བྱུང་བའི་དུས་ཚོད་དང་ས་གནས། མི་སྣའམ་ལས་ཁུངས་སོགས་ཀྱི་གནས་ཚུལ་ཞིབ་ཕྲ་འགོད་གང་ཐུབ་བྱེད་དགོས་པ་མ་ཟད། འབྲེལ་ཡོད་ཀྱི་དཔང་རྟགས་དཔྱད་ཡིག་ཀྱང་ཟུར་དུ་འགོད་དགོས། ཐེར་འདོན་ཁུངས་སྣེ་རྩད་ཞིབ་བྱས་ནས་དོན་དངོས་དང་མཐུན་ཚེ་ཁུངས་སྣེ་རེར་བྱ་དགའ་སྒོར500སྤྲོད་རྒྱུ།（གཉིས）དངོས་མིང་ཐོག་ནས་ཐེར་འདོན་གོང་ཞུ་བྱེད་པར་བསྔགས་སྐུལ་བྱེད་རྒྱུ། འབྲེལ་ཡོད་སྡེ་ཁག་གིས་དངོས་མིང་ཐོག་ནས་ཐེར་འདོན་བྱེད་མཁན་མི་སྒེར་གྱི་ཆ་འཕྲིན་གསང་སྲུང་ནན་མོ་བྱས་ནས། ཐེར་འདོན་བྱེད་མཁན་ལ་རྡུང་རྡེག་འཁོན་སློག་བྱས་པར་ཁྲིམས་ལྟར་ཆད་པ་ནན་མོ་གཅོད་རྒྱུ་དང་། རྐང་བཙུགས་ནས་ཐེར་འདོན་གོང་ཞུ་དང་མི་གཞན་ལ་སྙོན་འཛུགས་ཉེས་འགེལ་བྱས་ཚེ། སྒྲིག་སྲོལ་དང་སྒྲིག་ཁྲིམས་ལྟར་འབྲེལ་ཡོད་འགན་འཁྲི་བདའ་འདེད་གཏོང་རྒྱུ། （གསུམ）འབྲེལ་ཡོད་ཏང་གི་སྒྲིག་ཁྲིམས་ཀྱི་སྲོལ་ཡིག་དང་གཏན་འབེབས་དང་འགལ་ཞིང་། བརྡ་ཁྱབ་འདི་བསྡུ་ལེན་བྱེད་པའི་གནད་དོན་དང་འབྲེལ་བ་ཡོད་པའི་ཏང་ཡོན་ལས་བྱེད་པ་དང་། གཞུང་འགན་འཁུར་མཁན་མི་སྣས2023ལོའི་ཟླ6པའི་ཚེས31ཉིན་གྱི་སྔོན་དུ། གནས་སའི་སྡེ་ཁག་གི་ཏང་རྩ་འཛུགས་སམ་ཡང་ན་གྲོང་ཁྱེར་སྒྲིག་ཨུའི་ལྟ་ཞིབ་ཨུ་ལྷན་ལ་རང་འགུལ་ངང་གནད་དོན་གསལ་བཤད་བྱེད་དགོས། དུས་བཀག་ནང་རང་འགུལ་ངང་གནད་དོན་གསལ་བཤད་བྱེད་པ་དང་། སྒྲིག་འགལ་ཁྲིམས་འགལ་གྱི་དངུལ་ཕྱིར་སློག་ཧུར་ཐག་བྱས་པའི་རིགས་ལ་སྒྲིག་སྲོལ་དང་ཁྲིམས་ལྟར་ཉེས་པ་ཇེ་ཡང་དུ་གཏོང་བའམ་ཡང་ན་གུ་ཡངས་གཏོང་རྒྱུ་ཡིན། དུས་བཀག་ནང་རང་འགུལ་ངང་གནད་དོན་གསལ་བཤད་མ་བྱས་པའི་རིགས་རྩད་ཆོད་བྱུང་ཚེ་སྒྲིག་ཁྲིམས་དང་སྒྲིག་སྲོལ་ལྟར་ཐག་གཅོད་ནན་མོ་བྱེད་རྒྱུ།
·end·
—如果喜欢，快分享到朋友圈吧—